काठमाडौं । केजी इन्टरकन्टिनेन्टल प्रा.लि.ले विन्टर अफर ल्याएको छ । कम्पनीले नेपाली बजारमा बिक्री गरिरहेको एसवाईएम मोटरसाइकलमा यो अफर ल्याएको हो । माघ ९ गतेबाट यो अफर देशभरका सबै शोरुममा लागु हुने जनाइएको छ । यो योजना माघमसान्तसम्म मात्रै लागु हुनेछ । अफर अन्तर्गत एसवाईएमको एनएचटी २०० बाइक खरिद गर्दाे नगद १० हजार रुपैयाँ पाइने कम्पनीले जनाएको छ । 

कम्पनीले एक्स्चेन्ज गर्न सक्ने सुविधा पनि ल्याएको छ । पुरानो मोटरसाइकल तथा स्कुटरको बजार मूल्यभन्दा अतिरिक्त १५ हजार रुपैयाँ थप मूल्यांकन गरिने जनाइएको छ ।

काठमाडौंमा कमलपोखरी, टेकु, चाबहिल र बनेपा तथा संखुवासभा, इलाम, पोखरा, चितवनमा एसवाईएमको शोरुम सञ्चालनमा रहेको जनरल म्यानेजर प्रमिला खत्रीले बताइन् । १८३ सीसीको यो बाइकमा एफआई इन्जिन, लिक्विड कुलिङ इन्जिन, सिट हाइट ८१० एमएम, फ्युलट्याङक ११ लिटरलगायतका विशेषता रहेको कम्पनीले  जनाएको छ । यसको अत्याधिक पावर १३.५ किलोवाट, ८५०० आरपीएम, अत्याधिकटर्क १५.७ एमएम र ७५०० आरपीएम रहेको कम्पनीले जनाएको छ ।

यो बाइकको स्थानीय बजार मूल्य ६ लाख २५ हजार रुपैयाँ रहेको छ ।