लाहोर । पाकिस्तानको लाहोरमा बम विस्फोट हुँदा कम्तीमा ३ जनाको मृत्यु भएको छ भने २० जना घाइते भएका छन् ।

मोटरसाइकलमा जडान गरिएको बम विस्फोट भएको लाहोरका प्रहरी प्रवक्ताले बताएका छन् । यद्यपि, थप विवरण भने दिइएको छैन ।

विस्फोट शक्तिशाली भएको र यसले गर्दा लाहोरको प्रसिद्ध अनारकली बजारका थुप्रै पसलमा क्षति पुगेको प्रत्यक्षदर्शीले बताएका छन् । टीभी फुटेजहरूमा भिडभाडयुक्त बजारमा जलिरहेको मोटरसाइकल र घाइतेहरू सहयोगका लागि याचना गरिरहेको देखिन्छ ।

प्रहरीको प्राविधिक टोलीले प्रमाण संकलन गरिरहेको र तिनीहरूको विश्लेषणको गरि निष्कर्षमा पुगिने लाहोर प्रहरीले बताएको छ ।

घटनाको पाकिस्तानी प्रधानमन्त्री इमरान खानले निन्दा गरेका छन् । उनले घाइतेहरूको उचित उपचारका लागि अधिकारीहरूलाई आदेश दिएका छन् । यसका साथै पञ्जाब सरकारसँग यस घटनाको जानकारी पनि मागेका छन् ।

डावनबाट ।