काठमाडौं । कैलालीमा अवैध लागुऔषध ब्राउन सुगरसहित दुईजना पक्राउ परेका छन् ।

धनगढी उपमहानगरपालिका–२ विश्वनाथ मन्दिर नजिकबाट ४ ग्राम ६ सय ५० मिलिग्राम अवैध लागुऔषध ब्राउनसुगर उनीहरूलाई प्रहरीले पक्राउ गरेको हो ।

पक्राउ पर्नेहरूमा सोही ठाउँ बस्ने २५ वर्षीय दिपेन्द्र सिंह र ३३ वर्षीय नितेश ओली रहेका छन् ।

जिल्ला प्रहरी कार्यालय कैलालीबाट खटिएको प्रहरीले शंकास्पद रूपमा हिँडिरहेका उनीहरूलाई जाँच गर्नेक्रममा उक्त लागुऔषध फेला पारी पक्राउ गरेको हो ।