काठमाडौं । कोभिडको तेस्रो लहरको जोखिम बढेर स्मार्ट लकडाउन सुरु भएसँगै नेपाल राष्ट्र बैंकले पनि सुरक्षित बैंकिङ सेवाको लागि बैंक तथा वित्तीय संस्थालाई  ४ बुँदे निर्देशन दिएको छ । सोमबार राष्ट्र बैंकले बैंक तथा वित्तीय संस्थाका लागि सूचना जारी गर्दै सेवाग्राहीको भिडभाड नहुनेगरी भौतिक दूरी कायम गर्दै सेवा दिन निर्देशन दिएको हो ।

सरकार र विश्व स्वास्थ्य संगठनको स्वास्थ्य सुरक्षासम्बन्धी मापदण्ड पालना गर्दै  सेवा प्रवाहमा प्रत्यक्ष सम्पर्क रहने जनशक्ति तथा सेवाग्राहीमा संक्रमणको जोखिम न्युनीकरण गर्न आवश्यक उपाय अबलम्बन गर्न निर्देशन दिएको छ । 

एटीएम बुथबाट हुनसक्ने जोखिम न्यूनिकरण गर्न ढोका खुला राख्ने र स्यानिटाइजरको व्यवस्था गर्न बैंकहरुलाई केन्द्रीय बैंकले निर्देशन दिएको छ ।

बैंकहरुले सञ्चालन गर्ने बैठक, गोष्टी, सेमिनार, तालिमलगायत कार्यक्रमहरु भौतिक दूरी सुनिश्चितता गर्ने वा सकभर भर्चुअल माध्यमबाट गर्न निर्देशन दिएको हो ।