काठमाडौं । सन् २०२१ मा डेढ लाख पर्यटकले नेपाल भ्रमण गरेका छन् । अध्यागमन विभागकाे तथ्यांकलाई उदृत गर्दै नेपाल पर्यटन बोर्डले जनाएअनुसार सन् २०२१ मा १ लाख ५० हजार ९६२ जना विदेशीले नेपाल भ्रमण गरे । याे सन् २०२० काे तुलनामा २५ प्रतिशतले कम हाे ।

सन् २०१९ मा ११ लाख ९७ हजार १ सय ९१ विदेशी पर्यटक नेपाल आएका थिए भने  सन् २०२० मा २ लाख ३० हजार पर्यटक नेपाल भित्रिएका थिए ।

यस अवधिमा नेपाल आउनेमा सबैभन्दा बढी भारतीय नागरिक रहेका छन् । भारतीय पर्यटककाे संख्या ६४ हजार ६७३ छ । भारतपछि सबैभन्दा बढी अमेरिकाबाट २२ हजार ८५३ जना आएका छन् ।