खेल
काठमाडौं । सिद्धार्थ बैंकले शनिबार माछापुच्छ्रे बैंकलाई टाइब्रेकरमा २–१ ले हराउँदै कामना सेवा फुटसलको उपाधि जितेको छ ।
हाँडीगाउँस्थित धन्यन्तरी फुटसल मैदानमा निर्धारित २० मिनेटको समय २–२ को बराबरीमा सकिएपछि खेल टाइब्रेकरमा पुगेको थियो ।
निर्धारित समयमा सिद्धार्थको तर्फबाट भाष्कर देवकोटा र राजु श्रेष्ठले गोल गरेका थिए । माछापुच्छ्रेका तर्फबाट अभय राना र सञ्जय रानामगरले गोल गरेका । टाइब्रेकरमा सिद्धार्थ २–१ ले विजयी भयो ।
प्रतियोगितामा माछापुच्छ्रेका निकेश केसी उत्कृष्ट गोलकिपर घोषित भए । सिद्धार्थका शान्तिराम कार्की सर्वाधिक गोलकर्ता र सिद्धार्थकै भाष्कर देवकोटा प्रतियोगिताको सर्वोत्कृष्ट खेलाडी चुनिए ।
प्रकाशित मिति: शनिबार, पुस १०, २०७८ १९:५७
प्रतिक्रिया दिनुहोस्