काठमाडौं । सिन्धुपाल्चोकको बलेफी गाउँपालिका–४, विन्जेलमा जन्ती बोकेको बस दुर्घटना हुँदा चालकको घटनास्थलमै मृत्यु भएको छ । बसमा सवार २५ जना घाइते भएका छन् ।

बलेफी गाउँपालिका–६ का ३५ वर्षीय राज तामाङको मृत्यु भएको हो । दुर्घटनामा घाइते भएकाहरूलाई प्रहरीले उद्धार गरी उपचारको लागि धुलिखेल अस्पताल पठाएको इलाका प्रहरी कार्यालय बाह्रबिसेले जनाएको छ ।

काठमाडौंबाट जन्ती लिएर विन्जेलतर्फ जाँदै गरेको बा२ख ५६१४ नम्बरको बस गए राति करिब सवा ९ बजे अनियन्त्रित भएर सडकबाट अन्दाजी ८० मिटर तल खसेको थियो ।