काठमाडौं । पछिल्लो २४ घण्टामा देशभर २११ जना कोभिड-१९ संक्रमित थपिएका छन् ।

नौ हजार ४५१ नमूना परीक्षण गर्दा २११ जनामा संक्रमण पुष्टि भएको हो । त्यस्तै पछिल्लो २४ घण्टामा दुईजनाको मृत्यु भएको छ ।

योसँगै नेपालमा कोभिड-१९ संक्रमणका कारण मृत्यु हुनेको संख्या ११ हजार ५४९ पुगेको छ । त्यस्तै, आज ३२९ जना संक्रमणमुक्त भएका छन्  । योसँगै नेपालमा सक्रिय संक्रमितको संख्या ६ हजार १०५ पुगेको स्वास्थ्य तथा जनसंख्या मन्त्रालयले जनाएको छ ।