काठमाडौं । भारतीय सेना प्रमुख विपिन रावतकाे निधन भएकाे छ । बुधबार दिउँसो तमिलनाडूमा भएकाे हेलिकप्टर दुर्घटनामा  रावत र उनकी पत्नी मधुलिकासहित १३ जनाको मृत्यु भएको भारतीय वायु सेनाले जनाएको छ ।

हेलिकप्टरमा १४ जना सवार थिए ।

आज दिउँसो भारतीय वायु सेनाको एमआई–१७बी५ हेलिकोप्टर तमिलनाडूको कुन्नुरमा दुर्घटनाग्रस्त भएको थियो ।

हेलिकप्टरमा रावतसहित उनकी पत्नी मधुलिका रावत, ब्रिगेडियर एलएस लिड्डर, लेफ्टिनेन्ट कर्नेल हार्जिन्दर सिंह, पीएसोहरू एनके गुर्सेवक सिंह, एनके जितेन्द्र कुमार, एल/एनके विवेक कुमार, एल/एनके बी साइ तेजा र हाव सत्पाल सवार थिए ।

भारतीय प्रधानमन्त्री नरेन्द्र मोदीले दुर्घटनामा निधन भएकाप्रति श्रदाञ्जली व्यक्त गरेका छन् ।

I am deeply anguished by the helicopter crash in Tamil Nadu in which we have lost Gen Bipin Rawat, his wife and other personnel of the Armed Forces. They served India with utmost diligence. My thoughts are with the bereaved families.

— Narendra Modi (@narendramodi) December 8, 2021