काठमाडौं । स्मार्टफोन ब्रान्ड रियलमीले मुरारका ब्रान्डसँग मिलेर नेपालमा नार्जो सेरिज ल्याएको छ ।

रियलमीले स्ट्राटेजिक पार्टनर मुरारका ग्रुपसँग मिलेर नार्जोको लेटेस्ट लाइन–अप नार्जो फिफ्टी सेरिज नार्जो ५० आई र नार्जो ५० ए ल्याएको छ । यी फोन युवापुस्ताको छनोटमा रहेको कम्पनीले जनाएको छ ।

मुरारका ग्रुपका डिरेक्टर शिरीष मुरारकाले यी फोनमा गेमिङ प्रोसेसर रहेको र अत्याधुनिक प्रविधियुक्त रहेको बताए । यी फोनहरूको आगमनसँगै रियलमीले नेपाली युवाको गेमिङ अनुभवलाई अझ निखार्दै थप नेपाली प्रयोगकर्ताहरूको मन जित्ने उनले बताए ।

४ जीबी प्लस ६४ जीबीको नार्जो ५० ए को मूल्य १९ हजार ५०० रुपैयाँ र ४ जीबी प्लस १२८ जीबीको २१ हजार २०० रहेको कम्पनीले जनाएको छ । यस्तै, २ जीबी प्लस ३२ जीबी रहेको नार्जो ५० आईको बजार मूल्य १३ हजार र ४ जीबी प्लस ६४ जीबीको १५ हजार ५०० रहेको कम्पनीले जनाएको छ ।