काठमाडौं । नेपाल बार एशोशिएसनको अगुवाईमा प्रधानन्यायाधीश चोलेन्द्र शमशेर राणाको राजीनामा माग गर्दै मंगलबार पनि सर्वोच्च अदालतमा विरोध प्रदर्शन भएको छ ।

न्यायलयमा भ्रष्टाचार व्याप्त पारेको भन्दै प्रधानन्यायाधीश राणाको राजीनामा माग गर्दै बारले निरन्तर सर्वोच्च परिसरमा विरोध प्रदर्शन गर्दै आएको छ । बारले मंगलबार सर्वोच्चमा शान्तिपूर्ण धर्ना दिएको हो । 

धर्नापछि बारमा आयोजित सभामा बारका महासचिव लिलामणि पौडेलले सर्वोच्चमा मंसिर १५ गतेदेखि लागु हुन लागेको गोलाप्रथाको स्वागत गरे । उनले जिल्ला र उच्च अदालतमा गोलाप्रथा लागु नभएकाले सो स्थानमा कालोपट्टी बाँधेर काम गर्ने बताए । 

पौडेलले प्रधानन्यायधिश गोला प्रथामा सहभागी भए उनको इजलासमा बहस नगर्न अनुरोध गरे । 

प्रधानन्यायधिशको राजीनामा माग गर्दै बारले निरन्तर सर्वोच्चमा धर्ना दिइरहेको छ । यता, कोभिड संक्रमणका कारण प्रधानन्यायाधीश जबरा सोमबार साँझदेखि सशस्त्र प्रहरी अस्पताल, बलम्बुमा भर्ना भएका छन् । प्रधानन्यायाधीश जबरालाई सोमबार संक्रमण पुष्टि भएको थियो ।