काठमाडौं । मुगु र हुम्लामा कोभिड १९ फ्री जिल्ला भएका छन् । स्वास्थ्य तथा जनसंख्या मन्त्रालयको कात्तिक २१ गतेको तथ्यांक अनुसार यी दुई जिल्लामा सक्रिय संक्रमितको संख्या शून्य भएको हो । 

मोरङ, सुनसरीलगायत ९ जिल्लामा भने सक्रिय संक्रमितको संख्या दुई सयभन्दा बढी पाँच सयसम्म रहेको छ । काठमाडौं र ललितपुरमा भने पाँच सयभन्दा बढी संक्रमित रहेको मन्त्रालयको तथ्यांक छ । 

यीबाहेक अन्य जिल्लामा सक्रिय संक्रमितको संख्या २ सयभन्दा कम रहेको छ । आइतबारसम्म देशभर सक्रिय संक्रमितको संख्या ७ हजार ७१३ रहेको छ, जसमध्ये काठमाडौं उपत्यकाका तीन जिल्लामा १ हजार ५६१ जना रहेका छन् ।