काठमाडौं । विराटनगर विमानस्थलबाहेक अरू सबै ठाउँमा उडान नियमित भएको छ । त्रिभुवन अन्तराष्ट्रिय विमानस्थलका अनुसार आज मध्याह्न १२ बजेपछि उडान नियमित भएको हो ।

वर्षाका कारण विराटनगर विमानस्थल जलमग्न भएपछि त्यहाँ हुने आजको उडान रद्द भइसकेको छ । विराटनगर एयरपोर्ट बन्द भएपछि हवाई सेवा प्रदायक कम्पनीहरूले भद्रपुर उडान संख्या बढाएका छन् । यती एयरलाइन्स, बुद्ध एयर, श्री एयरलाइन्सले भद्रपुर उडान संख्या थपेको जनाएका छन् ।

त्रिभुवन अन्तर्राष्ट्रिय विमानस्थलका अनुसार आज आन्तरिकतर्फ १६२ वटा उडान हुनेछन् । वर्षाका कारण मंगलबार धेरै उडान रद्द भएका थिए ।