काठमाडौं । नर्भिक अस्पतालका संस्थापक वसन्तकुमार चौधरीको मुटुको शल्यक्रिया गरिएको छ ।

हृदयाघात भएका चौधरीको गएको मंगलबार दुबईस्थित अमेरिकन हस्पिटलमा मुटुको शल्यक्रिया गरिएको हो । ‘ओपन हार्ट सर्जरी’ गरिएका चौधरीलाई अहिले ‘पोस्ट अपरेटिङ केयर’मा राखिएको नर्भिक अस्पतालले जानकारी दिएको छ ।

दुई दिनपछि उनको ‘डिस्चार्ज’ गर्ने तयारी भइरहेको उक्त अस्पतालले जनाएको छ । गत साता परिवारसँग छुट्टी मनाउन दुबई पुगेका चौधरी असोज ८ गते स्वास्थ्यमा अचानक समस्या देखिएपछि अस्पताल भर्ना भएका थिए ।

उपचारको क्रममा सामान्य खालको हृदयाघात भएको र मुटुको धमनीमा समेत समस्या देखिएपछि चिकित्सकहरुले शल्यक्रिया गर्नुपर्ने सुझाव दिएका थिए । सोही सुझावअनुसार उनको मंगलबार शल्यक्रिया गरिएको अस्पतालले जनाएको छ ।