ओमान (मस्कट) । आईसीसी विश्वकप क्रिकेट लिग–२ अन्तर्गतको त्रिकोणात्मक एकदिवसीय अन्तराष्ट्रिय सिरिजको दोस्रो खेलमा नेपालले अहिले ओमानसँग प्रतिस्पर्धा गरिरहेको छ । 

ओमानको अल अमिरात क्रिकेट मैदानमा टस जितेर पहिले ब्याटिङ गरिरहेको नेपालले आफ्नो चौथो विकेट गुमाएको छ । 

नेपालका विनोद भण्डारी चौथो विकेटको रूपमा पेबेलियन फर्किएका हुन् । उनी २८ ओभरको दोस्रो बलमा ६ रन बनाएर आउट भए । उनलाई नेस्टोर धम्बाले क्याच आउट गराएका हुन् । 

यसअघि नेपालका लागि तेस्रो विकेटको रूपमा रोहित पौड्यल २० रन बनाएर आउट भए । उनी २४औँ ओभरको पहिलो बलमा क्याच आउट भएका थिए । उनलाई ओमानका नेस्टोर धम्बाले क्याच आउट गराएका हुन् ।