काठमाडौं । काठमाडौंको नयाँ बसपार्कभित्र बसबाट ओर्लने क्रममा सोही बसले ठक्कर दिँदा एक वृद्धको मृत्यु भएको छ ।

कपिलवस्तुको महाराजगन्ज घर भएका ८० वर्षीय कुतबुल्ला मुसलमानको मृत्यु भएको हो । लु२ख ५२४२ नम्बरको बसबाट ओर्लने क्रममा सोही बसले हिजो बेलुका करिब साढे ७ बजे उनलाई ठक्कर दिएको थियो ।

गम्भीर घाइते भएका उनको उपचारका क्रममा राष्ट्रिय ट्रमा सेन्टर महाँकालमा राति ११ बजे मृत्यु भएको जनाइएको छ ।

चालकलाई महानगरीय प्रहरी प्रभाग नयाँ बसपार्कले नियन्त्रणमा लिएको छ ।