काठमाडौं । रेनल्ट नेपालले किगर गाडीको बुकिङ खुला गरेको छ । कम्पनीले २८ लाख ४९ हजार मूल्य निर्धारण गर्दै बुकिङ खुला गरेको हो । देशभरका १५ वटा सेल्स आउटलेटको डिलरसिप नेटवर्कबाट बुकिङ हुने कम्पनीले जनाएको छ ।

रेनल्ट इन्डियाको अपरेसन कन्ट्री सीईओ एवम् प्रबन्ध निर्देशक भेन्कट्राम ममिलापल्लेका अनुसार “रेनो काइगर आधुनिक एसयूभी हो जुन बजारका लागि पर्फेक्ट फिट छ । यसले कम्पनीको इनोभेसन, व्रिmएटिभिटी, कस्टोमर अन्डरस्ट्यान्डिङगमा ध्यान दिएको छ । रेनो काइगरमा विशिष्ट एसयूभीको लुक छ र यसको लामो व्हीलबेसले बोर्डमा ठूलो ठाउँ र मात्रा ओगट्न मद्दत पु¥याउँछ ।”

विशाल ग्रुपका प्रबन्ध निर्देशक निकुञ्ज अग्रवालले नेपालमा रेनो किगर सबैभन्दा बढी मागका साथ धेरै प्रतीक्षा गरिएको गाडी भएको बताए । “हामी हाम्रा ग्राहकहरूलाई रेनो काइगरको आगमनबारे सूचित गर्न पाँउदा निकै खुसी छौँ । हामी रेनोकाइगरको स्टनिङ डिजाइन र आधुनिक सँगै स्मार्ट सुविधाहरूले आफ्ना अपेक्षाहरू पूरा गर्नेछ भन्ने कुरामा आशावादी छौँ,”उनले भने ।

रेनो किगर स्टनिङ, स्मार्ट र स्पोर्टी बी–एसयूभीको रूपमा स्थापित रहेको जनाइएको छ ।

यो गाडी क्यासपियन ब्लु, रेडियन्ट रेड, मुनलाइट सल्भिर, प्लानेट ग्रे, आइस कुल वाइट, माहोगनी ब्राउन साथै डीटी रङमा उपलब्ध हुने जनाइएको छ ।