काठमाडाैं । उद्धार तथा राहतका लागि नेकपा (एमाले) काे विद्यार्थी संगठन अनेरास्ववियुको टोली मेलम्चीतर्फ प्रस्थान गरेकाे छ । महासचिव ईश्वर पोखरेलले सिन्धुपाञ्चोकको मेलम्चीका बाढी र पहिरो पीडितको उद्धार र राहतका लागि विद्यार्थी सङ्गठन अनेरास्ववियुको केन्द्रीय टोलीलाई आज बिदाइ गरे ।

पार्टी केन्द्रीय कार्यालय, थापाथलीमा बुधबार महासचिव पोखरेल र पार्टीका केन्द्रीय सदस्य एवं अनेरास्ववियुका इन्चार्ज खिमलाल भट्टराईले अनेरास्ववियुको टोलीलाई बिदाइ गरेका हुन् । 

अनेरास्ववियुका अध्यक्ष ऐन महरको नेतृत्वमा रहेको टोलीमा ८ स्वास्थ्यकर्मीसमेत रहेका छन् । राहत तथा उद्धार टोलीले पीडिलाई वितरण गर्न चामल, तेल, त्रिपाल, टेन्ट पनि लिएर गएको छ । 

मङ्गलबार राति अविरल वर्षाका कारण मेलम्ची र हेलम्बु बजारमा डुबानका कारण सर्वसाधारण विस्थापित भएका छन् । महासचिव पोखरेलले एमालेका सम्पूर्ण नेता तथा कार्यकर्तालाई पीडितको राहत र उद्धारका लागि संगठित ढंगले सहयोग पुर्‍याउन र आफ्नो संगठित शक्तिलाई परिचालन गर्न आह्वान गरे ।