काठमाडौं । सन् २०२२ को विश्वकप छनोटअन्तर्गत उरुग्वे र पाराग्वेले बराबरी खेलेका छन् । शुक्रबार बिहान भएको खेलमा उरुग्वेले पाराग्वेसँग गोलरहित बराबरी खेलेको हो ।

घरेलु मैदानमा भएको खेलमा उरुग्वेले बराबरी खेल्दै अंक बाडेको हो । बराबरीसँगै उरुग्वले चौथो स्थान उक्लने मौका गुमायो । लिगमा पाँच खेल खेलेको उरुग्वे ७ अंकसहित तालिकाको पाँचौँ स्थानमा छ । समान अंक भएको पाराग्वे गोल अन्तरको आधारमा चौथो स्थानमा छ ।

यसै समूहअन्तर्गत भएको अर्काे खेलमा बोलिभियाले भेनेजुयलालाई ३–१ ले पराजित गर्‍यो । घरेलु मैदानमा बोलिभियाले सहज जित निकालेको हो । जितसँगै बोलिभियाले पाँच खेलबाट ४ अंक जोडेको छ । पराजित भेनेजुयला ३ अंकसहित तालिकाको नवौँ स्थानमा छ ।