काठमाडौं । सरकारले बजेटमार्फत गरेको घोषणाअनुसार साल्ट ट्रेडिङ कर्पोरेसनले खाद्यान्न र खाना पकाउने ग्याँसमा छुट दिने भएको छ । बिहीबार साल्ट ट्रेडिङले पिठो, चिनी, नुन, भटमासको तेल र खाना पकाउने ग्यासमा २० प्रतिशत छुट दिन मूल्यसूची सार्वजनिक गरेको हो ।

सार्वजनिक गरिएको मूल्यसूची अनुसार बजारमा प्रतिकिलो प्रतिकिलो पिठोको मूल्य ४४ रुपैयाँ, चिनीको मूल्य ६३ रुपैयाँ २० पैसा, नूनको प्रतिकिलो १६ रुपैयाँ, भटमासको तेलको प्रतिलिटर १८८ रुपैयाँ तोकिएको छ । 

यस्तै खाना पकाउने ग्याँसको मूल्य प्रति सिलिन्डर ११ सय २० रुपैयाँ तोकिएको कर्पोरेसनका सहायक कार्यकारी अधिकृत पंकज जोशीले जानकारी दिएका छन् ।

साल्ट ट्रेडिङले दिएको छुट लिन नागरिकताको प्रमाणपत्रको प्रतिलिपि र परिवारको सदस्यको नामसमेत पेश गर्नुपर्नेछ ।