काठमाडौं । प्रधानमन्त्री केपी शर्मा ओलीले राष्ट्रिय सहमतिको सरकार बनाउन आह्वान गरेका छन् । उनले आज बालुवाटारमा आयोजित पत्रकार सम्मेलनमा वैकल्पिक सरकार बन्न नसके सहमतिको सरकार बनाउन आग्रह गरे ।
 
“कृपया आउनुस् । राष्ट्रिय सरकार बनाऔं । सहमतिको सरकार बनाऔं । सहमतीका साथ अघि बढौं । अरुको नेतृत्वमा सम्भाव छैन भने मेरै नेतृत्वमा बनाऔं,” ओलीले भने । ओलीले यसका लागि आफूले आज विहान कांग्रेस सभापति शेरबहादुर देउवालाई फोन गरेको बताए । 
 
उनले सहमतिको सरकार बनाएर कोभिड–१९ को महामारी विरुद्ध लड्नका लागि एकताबद्ध हुन आह्वान गरे । 

उनले लोकतन्त्रलाई स्वस्थ बनाएर जानुपर्ने पनि बताए ।