काठमाडौं । देशभर कोरोनाको सक्रिय संक्रमितको संख्या एक लाख ९ हजार ७४० पुगेको छ ।

काठमाडौं उपत्यकामा मात्रै सक्रिय संक्रमितको संख्या ४२ हजार २२५ पुगेको छ । त्यसमध्ये काठमाडौंमा मात्रै ३० हजार १२४ जना सक्रिय संक्रमित छन् । हाल ललितपुरमा सात हजार १०१ र भक्तपुरमा पाँच हजार सक्रिय संक्रमित छन् ।

काठमाडौं उपत्यकामा पछिल्लो २४ घण्टामा दुई हजार ९३७ जनामा कोरोना संक्रमण पुष्टि भएको छ । त्यसमध्ये काठमाडौंमा मात्रै दुई हजार १४६ जना छन् । यस्तै, ललितपुरमा ४४४ र भक्तपुरमा ३४७ संक्रमित थपिएका हुन् ।

पछिल्लो २४ घण्टामा १८ हजार ५४८ वटा नमुनाको परीक्षण गर्दा देशभर आठ हजार १६७ जनामा संक्रमण देखिएको स्वास्थ्य तथा जनसंख्या मन्त्रालयले शनिबार जनाएको छ ।