बाह्रखरी
भर्खरै
Ncell inner sticky
राजनीति प्रतिक्रिया दिनुहोस्
Jagadamba Group
Jagadamba Group
‘चपली घुम्ती’ले पार लगाउला एमाले विवाद ?
KNP nepal
KNP nepal
बाह्रखरी - बिहीबार, वैशाख ३०, २०७८
Laxmi Bank
Laxmi Bank
Duber nepal
Agani Group

काठमाडौं । नेपाल कम्युनिस्ट पार्टी (एमाले)का नेताहरु पार्टीको विवाद सुल्झाउन लागिपरेका छन् । पछिल्ला केही दिनमा दोस्रो तहका नेताहरुले दौडधुप बढाएका थिए । यतिबेला भने अध्यक्ष तथा प्रधानमन्त्री केपी शर्मा ओली र नेता माधवकुमार नेपालबीच भेटवार्ता जारी छ । बूढानीलकण्ठ नगरपालिकास्थित चपली र गोल्फुटार जोड्ने घुम्तीमा एक व्यापारीको घरमा दुई नेताबीच छलफल भइरहेको छ । 

नेकपा एमालेले नेता माधवकुमार नेपालसहित चार नेतालाई गरेको निलम्बन फुकुवासँगै विवाद सहमतिको दिशातिर गएको नेताहरुको प्रतिक्रिया छ । खनाल–नेपाल पक्षधर नेताहरुले कारबाही फुकुवा सकारात्मक भएको टिप्पणी गरेका छन् । त्यसअघि नै ओली र नेपालबीच फोन संवाद भएको थियो ।
 
खनाल–नेपाल पक्षका सांसदहरुले राजीनामा गर्ने बताइरहेका बेला भएको यो भेटलाई अर्थपूर्ण रुपमा हेरिएको छ ।
 
एमालेको खनाल–नेपाल समूहले २०७५ जेठ २ गतेको पार्टीको संरचनामा फर्कनुपर्ने अडान राख्दै आइरहेको छ । ओली पक्षीय नेताहरुको बैठकले गरेको फागुन २८ गते र त्यसपछिका निर्णय फिर्ता हुनपर्ने उसको माग छ । तर, ओलीले त्यसबाट फिर्ता नहुने अडान राखेपछि वैशाख ८ र ९ गते होटेल मेरियटमा भएको वार्ता विफल भएको थियो । उक्त वार्तापछि उनीहबीच भेट हुन सकेको थिएन् । फोन सम्पर्क भने भएको थियो । तर, आजको वार्तामा ओली लचिलो भएर ती दुई माग सम्बोधन गरे पार्टी एक हुने नेता युवराज ज्ञवालीले जानकारी दिए ।
 
ओली सहमतीमा नआए सांसदहरुले राजीनामा दिने उनले बाह्रखरीसँगको संक्षिप्त कुराकानीमा बताएका छन् । 
 
राष्ट्रपति विद्यादेवी भण्डारीले बहुमतको सरकार गठनका लागि दिएको समय आज सकिँदैछ । ओली सहमतिमा नआए खनाल–नेपाल समूहले विपक्षी गठबन्धनलाई सघाउने नेताहरु बताउँछन् ।

ओली पक्षले भने पार्टीलाई एक बनाउन वार्ता भएको प्रतिक्रिया दिएको छ । अन्तिम कसरत भइरहेको एक नेताले बताए ।

Nepal Investment bank
Nepal Investment bank
बिहीबार, वैशाख ३०, २०७८ मा प्रकाशित
TATA Landing
TATA Landing
प्रतिक्रिया दिनुहोस्