काठमाडौं । हिमालयन डिस्टिलरीले चालु आर्थिक वर्ष २०७७/०७८ को तेस्रो त्रैमाससम्ममा ६७ करोड २७ लाख रुपैयाँ खुद मुनाफा आर्जन गरेको छ । गत आर्थिक वर्ष २०७६/०७७ को तेस्रो त्रैमाससम्मा ४३ करोड ७१ लाख खुद मुनाफा कमाएको कम्पनीको खुद मुनाफा ५३.८९ प्रतिशतले बढेको हो ।
कम्पनीले विक्री आम्दानी ९ प्रतिशल मात्रै विस्तार गरेको छ । खर्च घट्दा कम्पनीको नाफा उल्लेख्य बढेको हो । गत वर्षको तेस्रो त्रैमासमा कुल विक्री रकम ३ अर्ब ५७ करोड भएकोमा चालु आर्थिक वर्षको सोही अवधिमा ३ अर्ब ८९ करोड पुगेको छ । जसले गर्दा खुद नाफा पनि बढेको हो ।
गत आर्थिक वर्षको मुनाफाबाट ५० प्रतिशत नगदको साथै ५० प्रतिशत बोनस सेयर दिएको कम्पनीको चुक्ता पुँजी ८६ करोड ७७ लाख रहेको छ । यस्तै वित्तीय अनुपातहरुमा प्रतिसेयर आम्दानी १०३ रुपैयाँ ३८ पैसा, तरलता अनुपात २.७४ र मुल्य आम्दानी अनुपात ४२.८२ गुणा रहेको छ ।
गत आर्थिक वर्षका यसै अवधिमा वर्ष प्रति सेयर आम्दानी १०० रुपैयाँ ७६ पैसा र तरलता अनुपात १.९६ रहेको थियो ।
