पोखरा । प्रधानमन्त्री केपी शर्मा ओली आज पोखरा आउँदैछन । सर्वोच्चले संसद विघटन बदर नगरिदिएको भए शनिबार पोखरामा ओली पक्षीय नेता कार्यकर्ताले आमसभाको आयोजना गरेका थिए । त्यहाँ प्रधानमन्त्री आउने र सम्बोधन गर्ने कार्यतालिका थियो ।
तर, सर्वोच्चले संसद विघटन बदर गरिदिएपछी उक्त कार्यक्रम प्रदेश स्तरीय कार्यकर्ता प्रशिक्षणमा परिणत भएको छ र त्यसकै लागि ओली आज पोखरा आउने भएका हुन् ।
प्रधानमन्त्री ओली जहाजमार्फत् सोमबार बिहान ११ः४० बजे पोखरा विमानस्थल उत्रनेछन् । त्यसपछी सिधै नदिपुर जानेछन् । त्यहाँ उनले गण्डकी प्रदेश सरकारले बनाउन लागेको प्रदेश प्रशिक्षण प्रतिष्ठान भवनको शिलान्यास गर्नेछन् ।
उक्त भवनको लागत ३३ करोड रहेको छ ।
शिलान्यास पछि उनले पोखरा सभागृहमा गण्डकी प्रदेशका अगुवा कार्यकर्ता भेलालाई सम्बोधन गर्ने कार्यक्रम पनि छ।
त्यसपछि पोखरा रंगशालाको अवलोकन र निरिक्षण गर्नेछन् ।