काठमाडौं । काठमाडौं महानगरपालिका–१४, कलंकीबाट तीन केजी अवैध लागुऔषध अफिमसहित एकजना पक्राउ परेका छन् । पक्राउ पर्नेमा धादिङको गजुरी गाउँपालिका–८ बस्ने ५१ वर्षीय माइला भनिने म्याक्स लोलाई छन् ।

लागुऔषध नियन्त्रण ब्युरो, कोटेश्वरबाट खटिएको प्रहरीले उनको साथबाट उक्त परिमाणको अफिम फेला पारी पक्राउ गरेको हो । म्याक्सउपर लागुऔषध (नियन्त्रण) ऐन २०३३ बमोजिम म्याद थप गरी आवश्यक कानुनी कारबाही अघि बढाइने ब्युरोले जनाएको छ ।
प्रतीकात्मक तस्बिर ।