खेल
काठमाडौं । इंग्लिस प्रिमियर लिग क्लब म्यानचेस्टर सिटी एफए कप फुटबलको पाँचौँ चरणमा प्रवेश गरेको छ । शनिबार राति भएको चौथो चरणमा चेल्टनहममाथि ३–१ को जित निकाल्दै सिटीले अर्को चरणमा स्थान बनाएको हो ।
लिग टु क्लब चेल्टनहमविरुद्ध एक गोलले पछि परे पनि सिटीले पुनरागमन जित निकालेको हो । ५९औँ मिनेटमा अल्फी मेले गोल गर्दै चेल्टनहमलाई अग्रता दिलाएका थिए ।
८१औँ मिनेटमा फिल फोडेनले सिटीका लागि बराबरी गोल फर्काए । ८४औँ मिनेटमा ग्राबियल जिससले गोल गर्दै सिटीलाई २–१ को अग्रता दिलाए । ९०औँ मिनेटमा फेरान टोरेसले गोल गर्दै सिटीलाई ३–१ को जित दिलाए ।
प्रकाशित मिति: आइतबार, माघ ११, २०७७ ०८:५८
प्रतिक्रिया दिनुहोस्