काठमाडौं । स्पेनिस ला–लिगा फुटबल अन्तर्गत आज (सोमबार) भ्यालेन्सियाले इबरसँग प्रतिस्पर्धा गर्दैछ । इबरको घरेलु मैदानमा हुने दुई टोलीबीचको खेल नेपाली समय अनुसार राति १ः४५ मा सुरु हुनेछ ।
आजको खेलमा दुबै टोलीको योजना जित निकाल्ने हुनेछ । इबर आजको खेलमा सहज जित निकाल्दै आफूलाई अंक तालिकामा बलियो बनाउने योजनामा छ ।
लिगमा ११ खेल खेलेको इबर १३ अंकका साथ तालिकाको १३ औं स्थानमा छ । अजाको खेलमा जित निकाल्न सके तालिकाको सातौं स्थानमा उक्लने छ । सातौं स्थानमा रहेको ग्रानाडाको १५ अंक छ । यता भ्यालेन्सिया आजको खेलमा जित निकाल्दै आफूलाई तालिकामा बलियो बनाउने योजनामा छ ।
यो सिजन खराव प्रदर्शन गरिरहेको भ्यालेन्सिया ११ खेलबाट १२ अंकसहित तालिकाको १६ औं स्थानमा छ । आजको खेलमा जित निकाल्न सकेमा भ्यालेन्सिया नवौं स्थानमा उक्लिने छ ।