site stats
बाह्रखरी :: Baahrakhari
विशेष
Nabil BankNabil Bank
Sarbottam CementSarbottam Cement
सरकारले खुलाए पनि आन्तरिक हवाई सेवा चलेनन्
Ghorahi CementGhorahi Cement

काठमाडौं । सरकारले आज (असोज १) देखि आन्तरिक हवाई सेवा खुला गरेपनि निजी वायुसेवा सञ्‍चालकहरुले भने जहाज उडाएका छैनन् । सरकारले ५० प्रतिशत क्षमतामा मात्रै सेवा सुचारु गर्न भनेपछि व्यवसायीले जहाज नउडाएका हुन् ।

“५ महिना २० दिनपछि सरकारले हवाई सेवा खुला गरेको छ । तर, ५० प्रतिशत क्षमतामा मात्रै उडान गर्न भनेको छ । हामीले घाटा खाएर सेवा सञ्‍चालन गर्न सक्दैनौं । त्यसैले उडान नगरेका हौं,” वायुसेवा सञ्‍चालक संघका प्रवक्ता योगराज कँडेलले भने ।

विमान हेरेर न्यूनतम ७० प्रतिशत क्षमतामा सञ्‍चालन भए मात्र बल्न खर्च धान्न सक्ने व्यवसायीको भनाइ छ । ५० प्रतिशत क्षमतामा उडान गर्दा घाटै हुने भएकाले कुनै पनि हालतमा उडान गर्न नसक्ने कँडेल बताउँछन् । “हामीले विमान भाडा बढाउन भनेका छौं । सिट क्षमता बढाउन मात्रै भनेका हौं । ५० प्रतिशत क्षमतामा कसरी सञ्‍चालन गर्ने ? घाटै खाएर त सेवा कसरी दिन सकिन्छ ?” उनले भने । घाटा सरकारले पूर्ती गरिदिने भए मात्र सेवा सञ्‍चालन गर्ने व्यवसायीको भनाइ छ । चाडपर्व नजिकिएको बेलामा जहाज भाडा बढाउनुपर्ने माग व्यवसायीको नभएको उनले बताए ।

Agni Group

व्यवसायीको माग सीसीएमसीमा पठाइँदै
सिट क्षमता बढाउनुपर्ने मागसहित व्यवसायीहरुले हवाई सेवा सुचारु नगरेपछि उनीहरुको माग सीसीएमसीमा लैजाने संस्कृति, पर्यटन तथा नागरिक उड्डयन मन्त्रालयले जनाएको छ । ५० प्रतिशत क्षमतामा सञ्‍चालन गर्न मन्त्रिपषिद्ले भनेकाले एक सातासम्म मात्र भए पनि सेवा सुचारु गर्न र त्यसपछि घाटै भए पुनः विचार गर्न सकिने आश्वासन मन्त्रालयले व्यवसायीलाई दिएको थियो । मन्त्रालयमा बुधबार भएको छलफलमा अधिकारीहरुले यस्तो आश्वासन व्यवसायीलाई दिएका थिए । तर, व्यवसायीहरु त्यसरी नहुने भन्दै सेवा सुचारु गर्न तयार नभएका हुन् ।

मन्त्रालयका प्रवक्ता सुरेश आचार्यले व्यवसायीहरुले अकुपेन्सी बढाउनुपर्ने भन्दै विमान नचलाउने जानकारी आएको बताए । व्यवसायीहरुले औपचारिक पत्र मन्त्रालयमा पठाए त्यसको जानकारी सीसीएमसीलाई गरिने उनले बताए । “हामीले सरकारको निर्णयअनुसार सेवा दिन आग्रह गरेका छौं । उहाँहरु मान्नुभएको छैन । औपचारिक पत्र आएपछि सीसीएमसीलाई जानकारी गराउँछौं,” उनले भने ।

Global Ime bank

सरकारको निर्णयअनुसार ५० प्रतिशत क्षमतामा सञ्‍चालन गर्दा सरकारले तोकेको भाडामा ५० प्रतिशत बढी शुल्क लिन सक्ने पनि मन्त्रालयले जनाएको छ । तर, व्यवसायी भने सिटअनुसारै विमान उडान पाउनुपर्ने माग गर्दै आएका छन् ।

लामो दूरीका यातायात चले
करिब ६ महिनापछि लामो दूरीका सार्वजनिक यातायात आजबाट सञ्‍चालनमा आएका छन् । सरकारले लामो दूरीको सार्वजनिक यातायात खुला गर्ने निर्णय गर्दै ५० प्रतिशत क्षमतामा मात्रै सञ्‍चालन गर्न पाइने भएको छ । 

त्यसरी सञ्‍चालन गर्दा सरकारले तोकेको भाडामा थप ५० प्रतिशत बढी लिन पाइनेछ । ५० प्रतिशत क्षमतामा लामो दूरीका गाडी सञ्‍चालनमा आएको यातायात व्यवसायी राष्ट्रिय महासंघका अध्यक्ष योगेन्द्र कर्माचार्यले बताए ।

पर्ख र हेरको अवस्थामा पोखराका होटेल व्यवसायी

स्वास्थ्य सुरक्षाका मापदण्ड अपनाउँदै गाडी सञ्चालन गर्न पाइनेछ । आज विश्वकर्मा पूजाको अवसरमा पूजा सकेर गाडीहरु चल्न थालेका हुन् । 

साथै यात्रु तथा सार्वजनिक गाडीका कर्मचारीले अनिवार्य रूपमा मास्क तथा स्यानिटाइजरको प्रयोग गर्नुपर्नेछ । स्वास्थ्य सावधानीका उपाय पालना गरे/नगरेको अनुगमन गर्न ठाउँ-ठाउँमा चेकिङको व्यवस्था मिलाइएको छ । यदि पालना नगरेको पाइए कारबाही गर्ने चेतावनी सरकारले दिएको छ । लामो तथा मध्यम दूरीका यात्रुलाई खाजा तथा खाना स्थानीय प्रशासन र व्यवसायी संघले नै समन्वय गरेर खुवाउनुपर्नेछ । 

साथै लामो दूरीका गाडीहरुलाई बीच बाटोमा यात्रु चढाउन वा अनावश्यक काममा रोकिन बन्देज लगाइएको छ । 

उपत्यकामा जोर-बिजोर कायमै
उपत्यकाभित्र चल्ने यातायातको हकमा जोर-बिजोर प्रणाली लागु हुनेछ । अर्को आदेश नभएसम्मका लागि जोर-बिजोर प्रणाली लागु हुने निर्णय जिल्ला प्रशासन कार्यालयहरुले गरेका हुन् ।

यातायात खुलेसँगै उपत्यकाभित्र आउजाउमा सहज

NIBLNIBL
प्रकाशित मिति: बिहीबार, असोज १, २०७७  १२:४५
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC