काठमाडौं । सरकारले नेपाल राष्ट्र बैंकको सञ्चालकमा डा. शंकरप्रसाद आचार्य र चिन्तामणि शिवाकोटीलाई नियुक्त गरेको छ । गएको मन्त्रिपरिषद्को बैैठकले आचार्य र शिवाकोटीलाई सञ्चालकमा नियुक्त गरेको एक मन्त्रीले बाह्रखरीलाई जानकारी दिए ।

शिवाकोटी राष्ट्र बैंकका पूर्वडेपुटी गभर्नर हुन् । आचार्य राष्ट्र बैंककै पूर्वकार्यकारी निर्देशक हुन् ।

राष्ट्र बैंक सञ्चालक सदस्य डा. श्रीराम पौडेल र रामजी रेग्मीको पदावधि सकिएपछि गएको वैशाखदेखि दुई सञ्चालक पद रिक्त थियो ।

आचार्यसित राष्ट्र बैंकमा ३३ वर्ष बढी काम गरिसकेको अनुभव छ । त्यसअघि, उनले रक्षा मन्त्रालय, महालेखापरीक्षकको कार्यालय, नेपाल विद्युत् प्राधिकरणमा काम गरिसेका थिए । उनले विभिन्न कलेजहरूमा अर्थशास्त्र बढाउँदै पनि आएका छन् । विभिन्न सामाजिक कार्यमा पनि सक्रिय छन् ।