site stats
बाह्रखरी :: Baahrakhari
देश
Global Ime bankGlobal Ime bank
बाँच्‍नका लागि लकडाउन उल्लंघन गर्नुको विकल्प छैन !

चितवन ।  देशभर लकडाउन लागु गरिएको आज ६९ दिन पूरा भएको छ । सरकारले कारोना भाइरस नियन्त्रण र यसको जोखिम कम गर्न लकडाउन पटक-पटक थपिरहेको छ । लकडाउन थप्दै र कडा गर्दै गएको भनिए पनि चितवनमा यसको प्रभावकारिता कम हुँदै गएको छ ।

सुरुआती दिनहरुमा नागरिकले लकडाउनको पूर्णपालन गरेपनि पछिल्ला दिनहरुमा यसको उल्लंघन गर्नेको संख्यामा वृद्धि हुँदै गएको छ ।

चितवनका मुख्य सहर नारायणगढसहित अन्य क्षेत्रहरुमा मानिसहरुको चहपहल बढ्दै गएको छ भने  अत्यावश्यक पसलबाहेक अन्य व्यवसाय समेत खुलिरहेको पाइएको  छ । लकडाउन थप्दै गएपछि र सरकारले विकल्पसमेत नदिँदा एकातिर व्यवसायीसँगै नागरिक समेत मारमा पर्दै गएका छन् ।

Dabur Nepal

नारायणगढका एक व्यवसायी विष्णुप्रसाद कंडेल सरकारले लामो समयसम्म लकडाउन गर्दा र सरकारले विकल्प नदिँदा लकडाउन थप्नुको औचित्य नभएको बताउँछन ।

"साढे २ महिना हुन लागिसक्यो, न बैंकको व्याज तिर्न सकिएको छ, नत स्टाफलाई तलब दिन सकिएको छ," उनले भने । अबपनि सरकारले लकडाउन गरे यसको उल्लंघन गर्नेबाहेक विकल्प नभएको उनको भनाई छ । सरकारले कोरोना प्रभावित अन्य राष्ट्रले गरेको अभ्यास अनुसार कोरोना सुरक्षा मापदण्ड अपनाएर व्यवसाय खुलाउनु पर्ने धारणा राखे ।

जिल्ला प्रशासन कार्यालय, चितवनले लकडाउनमा कडाई गरेको दाबी गरेपनि व्यवहारमा भने कार्यान्वयन भएको देखिँदैन । सहरबजारमा बग्रेल्ती सवारीसाधन गुडिरहेको छन् भने ग्रामीण क्षेत्रमा समेत लकडाउनको पूर्णपालना गरेको पाइँदैन ।

"लकडाउनलाई हामीले थप कडाई गर्दै लगेका छौं," प्रशासन कार्यालयका सहायक प्रमुख जिल्ला अधिकारी नेत्रप्रसाद शर्माले भने, "प्रहरीको आँखा छलेर , छिपेर हिड्ने पनि हुनसक्छन ।" प्रशासनलले भिडभाड नहोस् भनेर बिहानको १० बजेको समय र बेलुका ४ बजेपछि दुग्धजन्य वस्तु बिक्रीवितरण गर्न छुट गरेको छ भने बिहान १० बजेदेखि अपरान्ह ४ बजेसम्म अन्य दैनिक उपभोग्य बस्तु किन्‍न र वित्तिय संस्थाको लागि केही खकुलो गरेको छ ।

जसका कारण दिउँसोको समयमा बढी सवारीसाधन र मानिसको चहलपहल बढी हुने गरेको हो । जिल्लामा प्रहरीले लकडाउनको कडाई गरिएको भनिए पनि जनशक्ति अभावका कारण जिल्लाका मुख्य चोक र बजार क्षेत्रमा बाहेक अन्य स्थानमा प्रहरीको उपस्थिति देखिँदैन ।

जिल्ला प्रहरी कार्यालय, चितवनका प्रवक्ता एकनारायण कोइराला भन्छन् ,  "अन्य समय भन्दा दिउसोको समयमा बढी सवारी साधनको चहलपहल बढी नै छ । लकडाउन भने खुकुलो गरिएको होइन ।"

उनका अनुसार अत्यावश्यक काम र व्यवहारिक कारणले पनि दिउँसोको समय लकडाउनमा प्रहरीले त्यति कडाई नगरेको हो । "लकडाउन पालना गर्न-गराउन  प्रशासनबाट मात्रै  समाधान हुने विषय होइन । नागरिक पनि आफैं सचेत र संयम बन्‍नुपर्छ," कोइरालाले भने ।

NIBLNIBL
प्रकाशित मिति: आइतबार, जेठ १८, २०७७  १८:२२
worldlinkworldlink
प्रतिक्रिया दिनुहोस्
NTCNTC
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Everest BankEverest Bank
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro