एजेन्सी । प्रिमियर लिग क्लब म्यान्चेष्टर युनाइटेड एफ ए कप फुटबलको चौथो चरणमा प्रवेश गरेको छ ।

बुधबार राति घरेलु मैदानमा भएको खेलमा युनाइटेडले उल्भ्सलाई १–० गोल अन्तरले हराएको हो ।

युनाइटेडलाई जित दिलाउन जुवान माटाले एक मात्र निर्णायक गोल गरे । खेलको ६७ औँ मिनेटमा माटाले गरेको गोलले नै युनाइटेडलाई जित दिलायो ।

जितसँगै युनाइटेड अब चौथो चरणमा वाटफोर्ड वा ट्रेन्मेयरसँग प्रतिस्पर्धा गर्नेछ ।