site stats
बाह्रखरी :: Baahrakhari
खेल
Nabil BankNabil Bank
Sarbottam CementSarbottam Cement
यूएईविरुद्ध नेपालको शानदार जित, रोहितकुमार र सोमपालको कीर्तिमान 
Ghorahi CementGhorahi Cement

काठमाडौं । कीर्तिमानी रोहितकुमार पौडेलको अर्धशक तथा सोमपाल कामीको ५ विकेटप्रेरित नेपालले शनिबार युनाइटेड अरब इमिरेट्स (यूएई)विरुद्धको दोस्रो एकदिवसीय अन्तर्राष्ट्रिय क्रिकेटमा १ सय ४५ रनको विजय हासिल गरेको छ । 

सबैभन्दा सानो उमेरमा एकदिवसीय अर्धशतक पूरा गर्ने खेलाडी बनेका रोहितकुमारले ५५ रन बनाएका थिए । उनले अरिफ शेखसँग छैटौं विकेटका लागि ८२ रनको साझेदारी गरेपछि दुबईस्थित आइसीसी एकेडेमी ओभलमा टस जितेर ब्याटिङ गरेको नेपालले २ सय ४२ रन बनाएको थियो । सोमपालले ५ तथा सन्दीप लामिछानेले ४ विकेट लिएपछि घरेलु यूएईले १९.३ ओभरमा ९७ रन जोड्दा सबै विकेट गुमायो । 

नेपालका ओपनर ज्ञानेन्द्र मल्ल र विनोद भन्डारीले पहिलो विकेटका लागि ६१ रनको साझेदारी गरेपछि नेपाल सम्मानजनक योगफलतर्फ लम्किएको थियो । ज्ञोन्द्र मल्ल ४४ रन बनाएर आउट भएपछि नेपालको इनिङ पूनः धर्मरायो । १९औं ओभरको तेस्रो बलमा ज्ञानेन्द्र आउट हुँदा नेपाल ७०–२ को अवस्थामा थियो । त्यसपछि थप ४३ रन जोड्नेक्रममा नेपालले तीन विकेट गुमायो । पारस २१, दीपेन्द्रसिंह ऐरी १०, पवन सर्राफ ८ रन बनाएर पवेलियन फर्किए । त्यसअघि ओपनर विनोद २१ रन बनाएर आउट भएका थिए । 

Agni Group

तर रोहितकुमार पौडेल र आरिफ शेखले छैटौं विकेटका लागि ८२ रनको साझेदारी गरेपछि नेपाल २ सय रनको योगफल कटाउन सफल भएको थियो । रोहितकुमारले ५५ रन बनाउँदा आरिफले २९ रन बनाए । दोस्रो एकदिवसीय अन्तर्राष्ट्रिय क्रिकेट खेलेका रोहितकुमारको यो पहिलो अर्धशतक हो । एकदिवसीय अन्तर्राष्ट्रियमा सानो उमेरमा अर्धशतक बनाउने कीर्तिमान बनाएका रोहितकुमारले सचिन तेन्डुलकर र सहिद अफ्रिदीलाई पछि पारेका छन् । 

करण केसीले १८ रन बनाउँदा  सोमपाल कामीले २ रन बनाए । शुक्रबार सोमपाल ‘टु डाउन’ मा ब्याटिङका लागि गए पनि आज उनलाई तल्लोक्रममा ब्याटिङ गराइएको हो । सन्दीप लामिछाने १४ र ललितनारायण राजवंशी ३ रनमा अविजित रहे । नेपालका ज्ञानेन्द्र र पारसले एकदिवसीय अन्तर्राष्ट्रियमा १ सय रन पूरा गरेका छन् ।

Global Ime bank

यूएईका अमिर हायत र इमरान हैदरले समान ३ विकेट लिँदा कप्तान मोहम्मद नाभीद, जहूर खान, र अशफाक अहमदको नाममा १–१ विकेट रह्यो । 

६.१ ओभरमै सोमपालले यूएईको अग्रपंक्तिका ब्याट्सम्यानलाई पवेलियन बाटो देखाएपछि घरेलु टोलीका ब्याट्सम्यान दबाबमा परेका थिए । पहिलो ओभरमै चिराग सुरी(०)लाई बोल्ड गरेका सोमपालले तेस्रो ओभरमा गुलाम सब्बर(२)लाई अरिफ शेखकाे क्याच मार्फत अाउट गराएका थिए । पाँचौं ओभरमा शाईमन अनवार(०)लाई एलबिडब्लू आउट गरेका सोमपालमा सातौं ओभरमा अशफाक अहमद(२०)लाई ‘कट एन्ड बोल्ड’ गरेका थिए ।  

त्यसपछि युवा लेग स्पिनर सन्दीप लामिछानेले ४ विकेट लिएपछि यूएईको इनिङ धरापमा परेको हो । सन्दीपले सीपी रिजवान(१६) र फहाद नवाज(०)लाई एलबिडब्लू आउट गरे । अमिर हायत(०) लाई रोहितकुमारमार्फत क्याच गरेका सन्दीपले मुहम्मद उस्मान(२६)लाई अरिफ मार्फत क्याच गराए । १९.३ ओभरमा सोमपालले जहूर खानलाई सन्दीपमार्फत क्याच गराउँदै नेपाललाई सहज विजय दिलाए । यससँगै सोमपाल एकदिवसीय अन्तर्राष्ट्रिय क्रिकेटमा ५ विकेट लिने पहिलो नेपाली खेलाडी बन्न पुगेका छन् । 

पाँच विकेट लिनेक्रममा सोमपालले ६.३ ओभर बलिङ गर्दै १ मेडनसहित ३३ रन दिए भने सन्दीपले ४ ओभरमा १ मेडन राख्दै २४ रन दिएर ४ विकेट लिए ।

शुक्रबार कमजोर ब्याटिङ प्रदर्शनका कारण पहिलो एकदिवसीय अन्तर्राष्ट्रियमा नेपालले युएईलाई तीन विकेटको नतिजा सुम्पिएको थियो । यो जितसँगै नेपालले तीन खेलको एकदिवसीय अन्तर्राष्ट्रिय शृखलामा १–१ को बराबरी गरेको छ । 

शुक्रबार कमजोर ब्याटिङका कारण ३ विकेटको पराजय भोगेको नेपालले शनिबार स्पिनर बसन्त रेग्मीको स्थानमा रोहितकुमार पौडेलाई टोलीमा समावेश गरेको थियो ।  नेपालले युएई भ्रमणमा ३ एकदिवसीय अन्तर्राष्ट्रिय र ३ ट्वान्टी–२० अन्तर्राष्ट्रिय शृंखला खेल्नेछ ।
 

NIBLNIBL
प्रकाशित मिति: शनिबार, माघ १२, २०७५  १७:२७
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC