काठमाडौं । भारतका युज्वेन्द्र चाहलले ६ विकेट लिएपछि तेस्रो तथा अन्तिम एकदिवसीय खेलमा घरेलु टोली अष्ट्रेलिया २ सय ३० रनमा समेटिएको छ । मेलवर्न क्रिकेट मैदानमा टस हारेर ब्याटिङ गरेको अष्टे«लिया निर्धारति ओभरमा २ सय ३० रनमा अलआउट भयो । अष्टे«लियाका लागि पिटर ह्यान्डकपले सर्वाधिक ५८ रन बनाउँदा सन मार्सले ३९ रन बनाए । उस्मान ख्वाजाले ३४ रन जोड्दा ग्लेन म्याक्सवेलले २६, रिचार्डसनले १६, आरोन फिन्चले १४ रन तथा मार्कुस स्टोनीस १० रन बनाए । अष्ट्रेलियाका ब्याटसम्यानलाई सस्तैमा समेट्न भारतका युज्वेन्द्र चाहलले सर्वाधिक ६ विकेट लिए । 
उनको कसिलो बलिङसँगै अष्ट्रेलियाका खेलाडीले ठूलो रन बनाउन सकेन् । २ सय ३१ रनको विजय लक्ष्यसहित भारत जवाफी ब्याटिङमा छ । यसअघि कप्तान विराट कोहलीको शतक तथा महेन्द्रसिंह धोनीको अर्धशतकप्रेरित भारतले अस्ट्रेलियाविरुद्धको दोस्रो एकदिवसीय अन्तर्राष्ट्रिय क्रिकेटमा ६ विकेट विजय हासिल गरेको थियो । यसअघि सिड्नीमा सम्पन्न पहिलो एकदिवसीयमा अस्ट्रेलिया ३४ रनले विजयी भएको थियो ।