काठमाडौं । काठमाडौं गोंगबुस्थित पिस ग्लास हाउसमा सिलिन्डर ग्यास विष्फोट हुँदा घाइते भएका एकजनाको उपचारका क्रममा मृत्यु भएको छ । मृत्यु हुनेमा नुवाकोट– बेलकोटका काजी तामाङ रहेका छन् । आज बिहान ग्यास सिलिन्डर पड्किँदा ५ जना घाइेते भएका थिए । 
घाइेतमध्ये तामाङको त्रिवि शिक्षण अस्पताल, महाराजगञ्जमा उपचारका क्रममा मृत्यु भएको प्रहरीले जनाएको छ ।  महानगरीय प्रहरी परिसर काठमाडौंका डिीएसपी होमिन्द्र बोगटीका अनुसार घाइते भएका राजु बिसी, कैलाश श्रेष्ठ, रेशम तामाङ र अनिल पोखरेलको अवस्था पनि चिन्ताजनक रहेको छ । 

मृतक र घाइते सबै श्याम ढुङगानाले सञ्चालन गरेको पिस ग्लास हाउसमा कार्यरत मजदुर हुन् ।  घाइतेमध्ये ३ जनाको ग्रान्डी अस्पताल र एकजनाको कीर्तिपुर अस्पतालमा उपचार भइरहेको डीएसपी बोगटीले बताए । विष्फोट कसरी भयो भन्नेबारे केही खुल्न नसकेको प्रहरीले जनाएको छ । 

तस्बिर गुगलबाट