काठमाडौं । आइतबार नेपाली बजारमा सुनको भाउ प्रतितोला ९ सय रुपैयाँ घटेर ५५ हजार ५ सय रुपैयाँमा कारोबार भएको छ ।

गत शुक्रबार सुन प्रतितोला ५६ हजार ४ सय रुपैयाँमा कारोबार भएको  थियो । अन्तर्राष्ट्रिय बजारमा घटेपछि यसको असर नेपाली बजारमा परेको नेपाल सुनचाँदी व्यवसायी महासंघका पूर्वअध्यक्ष तेजरत्न शाक्यले बताए । उनका अनुसार आइतबार अन्तर्राष्ट्रिय बजारमा सुनको भाउ प्रतिआउन्स ३२ डलर घटेर १ हजार २२८ डलर कायम भएको छ । शुक्रबार प्रतिआउन्स १ हजार २६० डलरमा कारोबार भएको थियो ।