काठमाडौं ।  हालैका दिनमा एक अर्काका कुटनीतिक कर्मचारीहरुको नाम सञ्चार माध्यमहरुमा सार्वजानिक भए सँगै भारत र पाकिस्तानले आफ्ना उच्च आयुक्तहरुलाई  अस्थायीरुपमा फिर्ता बोलाउन सक्ने पाकिस्तानी उच्च अधिकारीको स्रोतलाई उदृृत गर्दै  पाकिस्तानी पत्रिका दि एक्सप्रेस ट्रिब्यूनले बिहीबारको अंकमा जनाएको छ । 

गत सेप्तटेम्बरमा भारत नियन्त्रित काश्मिरको उरिमा भएको विद्रोही हमलामा १८ भारतीय सेनाको मृत्यु पछि दुई देशको सम्बन्ध सर्वाधिक चिसिएको बेला दुई देशका कुटनीतिक निकायको कर्मचारीसमेत कटौती हुन सक्ने समाचरमा उल्लेख छ । 

पछिल्लो विवाद नयाँ दिल्लीस्थित पाकिस्तानी उच्च आयोगका एक कर्मचारी मेहमुद अख्तरलाई जासुसीको आरोपमा भारतले देश निकाला गरेपछि सुरु भएको हो ।

त्यसपछि भारतले अन्य ६ जना पाकिस्तानी कर्मचारीको नाम पनि सञ्चार माध्यममा सार्वजनिक गरेको थियो ।

त्यसको बदलामा पाकिस्तानको इस्लामाबाद स्थित भारतीय उच्चआयेगका आठ कर्मचारीलाई भारतको गुप्तचार संस्था रअको सदस्य भन्दै पाकिस्तानी सञ्चार माध्यममा सार्वजनिक गरिएको थियो ।

त्यसपछि नाम सार्वजनिक भएका आठौं कर्मचारीलाई भारतले फिर्ता बोलाएको थियो । पछिल्लो घटनाका लागि स्पस्टरुपमा भारत दोषी भएको पाकिस्तानी अधिकारीले बताएका छन् ।