एकदम राम्रो आइरहेको छ । हलहरु हाउसफुल छन् । ‘६ एकान –६’ र ‘वडा नम्बर–६’ को क्रेज हो यो । अघिल्ला दुई चलचित्र राम्रो भएकाले यी कलाकारहरुले राम्रो चलचित्र बनाउँछन् भनेर हेर्न आउनुभएको हो । सिनेमा आउनुभन्दा अघिदेखि नै प्रतिक्षा गरिएको थियो । दुइटा गीत पनि हिट भएका थिए । यी सबै पक्ष हेर्दा प्रतिक्रिया सकारात्मक आएका छन् । 

समसामयिक विषयवस्तु नै मन पराइएको छ । वैदेशिक रोजगारी र त्यसले घटाएका घटनाहरुलाई हामीले जस्ताको तस्तै देखाएका छौं । यही पक्षलाई दर्शकले मन पाराइदिनु भयो । सेन्टिमेन्टल कुराहरुलाई हास्य तरिकाले प्रस्तुत गरिएको पक्षलाई पनि मन पराएको पाइयो । रोलअनुसारको कलाकार छनोट, चलचित्रको मेकिङलगायत सबै पक्षलाई दर्शकले मन पराइदिनु भयो । 

पूरै चलचित्र नै हास्यप्रधान छ । हास्य कलाकारको बाहुल्य छ, त्यसैले यसलाई स्वीकार्न सकिन्छ । बरु एउटाबाट अर्को डाइलग डेलिभर हुँदा केही समय छोड्नुपर्नेमा त्यहाँ छोडिएको छैन । त्यो सुधार गर्नुपर्ने पक्ष हो । 

बुद्धिको श्रीमती माइत जाँदा पनि राजालगायत अन्य पात्रले उसलाई हानेका डाइलग पनि त्यस्तै छन् । हाँसिरहने, हँसाइरहने भएकाले खासै फरक पर्दैन भनेर नै ती संवादहरु प्रयोग गरिएका हुन् । एकअर्काले गम्भीर रूपमा नलिने भएकाले त्यस्ता संवाद आएका हुन् ।   

सुरुमा गाउँमा मात्रै बाइक चलाउने भन्ने योजना थियो । तर, पछि मेन सडकमा पनि बाइक चलाउनुपर्ने अवस्था आयो । हुन त गाउँमा बाइक चलाउँदा हेलमेट लगाउनु पर्दैन भन्ने होइन । पछि हामीले सवारी चलाउँदा ट्राफिक नियम पालना गरौं भनेर लेख्छौं भनेर नै काम गरेका हौं । काम गर्दै सिक्दै जाने हो । रक्सी चुरोट खाएका ठाउँमा पनि स्वास्थ्यका लागि धुमपान हानिकारक छ भनेर लेखिएको हुन्छ । हेलमेट नलाएका दृश्यहरु प्रयोग गर्ने चलन पहिले अरु चलचित्रले पनि प्रयोग गरिसकेका छन् ।  

चलचित्र राम्रो बन्यो भने हिन्दी चलचित्रका दर्शक पनि नेपाली चलचित्र हेर्छन् भन्ने सन्देश गएको छ । हिन्दी सिनेमा प्रदर्शन गर्न दिने कि नदिने भन्ने बहस भइरहेका बेला चलचित्र राम्रो बनाउनुपर्छ, हिन्दी चलचित्र छोडेर दर्शकले नेपाली चलचित्र नै हेर्छन् भन्ने प्रमाणित भएको छ । राम्रो सिनेमा बने हिन्दीलाई नेपाली सिनेमाले पछार्छ भन्ने सन्देश गएको छ । हिन्दी सिनेमा बहिष्कार गर्नुपर्छ भन्ने पनि होइन । राम्रोबाट हामीले सिक्नुपर्छ । हामी नेपालीले हरेक कुराको सुरुवात अरुभन्दा पछि गरेका छौं । त्यसैले पनि अरुबाटै सिक्ने हो । क्यामेरा हामीले बनाएका हौं र ? तर, खिच्ने त त्यही विदेशी क्यामेराले हो नि । 

समाजको समसामयिक विषय के हो भन्ने पत्ता लगाउनुपर्छ । दर्शकको चाहना के हो बुझेर उनीहरुको नाडी छामेर चलचित्र बनाउन सकियो भने राम्रो बन्छ । अर्को कुरा, निर्माता हुनका लागि लगानी गर्ने, निर्देशक हुनका लागि निर्देशन गर्ने अनि पर्दामा देखिनका लागि सिनेमा खेलियो भने राम्रो आउटपुट आउँदैन । समाज बुझेर, अध्ययन गरेर मात्रै चलचित्र बनाउन सकियो भने राम्रो बन्छ । राम्रो बने नेपाली चलचित्रले हिन्दीलाई पनि पछार्छन् । 

एक वर्षमा एउटा तर, राम्रो चलचित्र बनाउने योजना हो । त्यही योजनाअनुसार काम हुन्छ होला । अहिले हामी चलचित्रको प्रचारकै क्रममा रहेकाले अर्को कहिलेबाट सुरु गर्ने भन्ने विषयमा छलफल भएको छैन । यो चलचित्रको सम्पूर्ण काम सकिएपछि त्यसबारे सोच्ने हो । 

‘६ एकान ६’ का कमजोरी ‘वडा नम्बर–६’ मा सुधार्ने काम भयो । ‘वडा नम्बर–६’ मा दोहोरिएका गल्ति ‘छक्का पञ्जा’मा सुधार्ने मौका मिल्यो । अब ‘छक्का पञ्जा’ मा दोहोरिएका गल्तिलाई अर्को नयाँ बन्ने चलचित्रमा सुधार्दै अझ राम्रो बनाउने प्रयास हुन्छ ।