काठमाडौं । नेपालको लागि बीवाईडी गाडीको आधिकारिक वितरक साइमेक्स इंकले देशभर ‘बीवाईडी मेगा एक्सचेन्ज क्याम्पेन’को घोषणा गरेको छ । बीवाईडीले आजदेखि (वैशाख २४ देखि २७) देशभर एक्सचेन्ज क्याम्पेन सुरु गरेको हो ।

उक्त अफरअन्तर्गत ग्राहकले छुटाउनै नहुने मौका पाउनेछन् । जसमा ‘फ्युचर अफ मोबिलिटी’ अर्थात् बीवाईडी इलेक्ट्रिक गाडीमा अपग्रेड हुन सकिने कम्पनीले जनाएको छ ।

मेगा एक्सचेन्ज अवधिमा ग्राहकले आफूसँग भएको कुनै पनि ब्रान्ड वा मोडलको गाडीसँग बीवाईडी एट्टो ३, बीवाईडी डल्फिन र बीवाईडी एम–६ लिन सक्नेछन् । एक्सचेन्जका लागि ‘बेस्ट–इन–इन्डस्ट्री भ्यालुएसन’ प्राप्त गर्न सकिनेछ ।

यसअन्तर्गत आकर्षक एक्सचेन्ज बोनस, १ वर्षको निःशुल्क अटो प्लस इन्स्योरेन्स, १० वर्षको एक्सटेन्डेड वारेन्टी, ८० प्रतिशतसम्म फाइनान्सिङ र स्पेसल नगद छुट उपलब्ध हुने कम्पनीले जनाएको छ ।

थप सुविधाको रूपमा, सो चार दिने मेगा एक्सचेन्जमा बीवाईडी गाडी बुकिङ गर्ने ग्राहकलाई लक्की ड्रमा सहभागी हुने मौका प्राप्त हुने कम्पनीले जनाएको छ । तीनजना लक्की ड्र विजेतालाई आफूले किनेको गाडीमा १२ महिनासम्मको किस्ता निःशुल्क अर्थात् फ्रि ईएमआई उपलब्ध हुनेछ ।

सो एक्सचेन्ज क्याम्पेन देशभरका सहरमा रहेका बीवाईडीका निम्न सोरुम तथा अन्य विशेष स्थलमा आयोजना हुने कम्पनीले जनाएको छ :

चितवन – बीवाईडी पार्क, चितवन

बुटवल – भेल्भेट लक्स होटल

भैरहवा – बोधी रेडसन

नेपालगन्ज – बीवाईडी नेपालगन्ज सोरुम

दाङ – माला इन

धनगढी – होटल रुबस

बिर्तामोड – टाइमलेस मोमेन्ट्स होटल

दमक – बीवाईडी सोरुम, दमक

इटहरी – बीवाईडी सोरुम, इटहरी

विराटनगर – बीवाईडी सोरुम, विराटनगर

जनकपुर – बीवाईडी सोरुम, जनकपुर

लहान – बीवाईडी सोरुम, लहान

वीरगन्ज – बीवाईडी सोरुम, वीरगन्ज

पोखरा – रोयल महल बैंक्वेट

ललितपुर – सत्कार फाइन डाइन

पेप्सीकोला – म्याजेस्टिक बैंक्वेट, पेप्सीकोला

कोटेश्वर – रोयल लाउन्ज बैंक्वेट एन्ड रेस्टुरेन्ट

सोल्टीमोड – ल्यान्डमार्क रिसेप्सन

सातदोबाटो – सेल्सबेरी, सातदोबाटो

नक्साल – आम्रपाली बैंक्वेट

“नयाँ अर्थिक वर्ष आउन लागेको र ईभीको करमा समेत परिवर्तन हुने हल्ला चलिरहेको समयमा दिगो मोबिलिटीको क्षेत्रमा आफूलाई लैजाने यो उपयुक्त समय हो । यसरी स्विच हुनका लागि मेगा एक्सचेन्ज अफरले उपलब्ध गराउने अतुलनीय मूल्य, वित्तीय लचकपना र विशेष लाभले अझै सहज बनाउनेछ,” साइमेक्स इंकका सीईओ साहिल श्रेष्ठले भने ।