काठमाडौं । नेपाल बार एसोसिएसनको अध्यक्षका उमेदवार विजयप्रसाद मिश्रले निरन्तर मतान्तर बढाइरहेका छन् । मंगलबार दिउँसोसम्म दुईहजार ८१ मतगणना हुँदा मिश्रले निकटतम प्रतिद्वन्द्वी रमनकुमार श्रेष्ठलाई ३७७ मतान्तरले पछाडि पारेका छन् ।

सार्वजनिक परिणामानुसार, मिश्रले ९३३ मत पाएका छन् । श्रेष्ठको ५५६ मत छ । 

नेपाल बार एसोसिएसनको कार्यालयमा मतगणना जारी छ ।

बारको नयाँ कार्यसमिति चयनका निम्ति शनिबार (चैत २३) मतदान भएको थियो । काठमाडौं र बाहिर गरी ३६ मतदान केन्द्रमा मतदान भएको थियो ।