काठमाडौं । व्यवसायी घरना लक्ष्मी ग्रुपका कार्यकारी निर्देशक निरञ्जन श्रेष्ठले हाल अनौपचारिक अर्थतन्त्र मौलाउँदा समस्या उत्पन्न भएको बताएका छन् । नेपाल राष्ट्र बैंक र त्रिभुवन विश्वविद्यालयले गरेको अध्ययनले नै ४० प्रतिशतभन्दा बढी अनौपचारिक अर्थतन्त्र रहेको देखाएको भन्दै भन्सार तथा करमा सुधार गर्नुपर्ने बताए ।

शनिबार बाह्रखरी मिडियाले आयोजना गरेको ुबाह्रखरी गर्ल्फ तथा आर्थिक परिसंवादु मा उनले रेगुलेटरी निकायको सुधार हुन जरूरत रहेको पनि औंल्याए ।

नेपाल बैंक र राष्ट्रिय वाणिज्य बैंकको सुधारपछि कुनै सुधार नभएको बताए ।  बैंक र विजनेस घरनाको नाफामा एक रूपता हुनुपर्ने पनि उनको भनाइ छ । हाल करको दर बढी भएको भन्दै उनले करका दरभन्दा दायरा बढाउनुपर्नेमा जोड दिए ।

त्यस्तै, रेमिट्यान्सको वित्तीय लागत र व्यापार लागत घटाउनुपर्ने पनि उनले बताए । अहिलेको संरचना सुधार गर्नुपर्ने पनि उनकाे भनाइ छ । यसले सात प्रतिशतको आर्थिक वृद्धिमा सहयोग पुग्ने पनि बताए ।