काठमाडौं । काठमाडौंको पुतलीसडकमा शुक्रबार (चैत २२) बिहान करिब २ बजेदेखि युवा भेला भए । नेपाली एसेसरिज ब्रान्ड अल्टिमा लाइफस्टाइलको एउटा ‘अफर’का कारण उनीहरू त्यहाँ जम्मा भएका हुन् ।

पुतलीसडकमा अल्टिमाको नयाँ आउटलेट आज सञ्चालनमा ल्याइँदै छ । त्योसँगै नयाँ वर्षका अवसरमा इयरबड्समा विशेष छुट व्यवस्था गरिएको छ । करिब ३५ सय रुपैयाँ पर्ने इयरबड्स ३६० मै उपलब्ध गराइने सामाजिक सञ्जालमा प्रचारप्रसार गरिएपछि आफूहरू खरिद गर्न आएको त्यहाँ लाइन लागेका युवाले बताएका छन् ।

विभिन्न भाषा, तयारी कक्षा, कलेजका विद्यार्थी पनि त्यहाँ जम्मा भएको देखिन्छ ।

पहिला उपस्थित हुने ८२ ग्राहकले मात्र ३६० रुपैयाँमा इयरबड्स पाउने प्रचार गरिएको छ । त्यही कारण पुतलीसडकमा यति बेला युवाको भीड देखिएको छ । भीडका कारण ट्राफिक व्यवस्थापनमा पनि असहज स्थिति भएको छ ।

युवाले प्रधानमन्त्री केपी शर्मा ओलीविरुद्ध नाराबाजी समेत गरेका छन् । उनीहरूले काठमाडौं महानगरपालिकाका मेयर बालेन्द्र शाह (बालेन)का पक्षमा नारा लगाएका छन् ।

थप तस्बिर हेर्नोस्–