काठमाडौं । सामसुङले ग्यालेक्सी ए५६ फाइभ–जी, ग्यालेक्सी ए३६ फाइभ–जी र ग्यालेक्सी ए२६ फाइभ–जी सार्वजनिक गरेको छ । पहिलोपटक ग्यालेक्सी ‘ए’ सिरिजमा ‘असम इन्टेलिजेन्स’ समावेश गरेको छ ।

ग्यालेक्सी ए५६ र ए३६ अहिले नै नेपाली बजारमा उपलब्ध रहेको कम्पनीले जनाएको छ । यस्तै, ग्यालेक्सी ए२६ अप्रिलको पहिलो साताबाट बजारमा आउने सामसुङ नेपालका निर्देशक प्रणयरत्न स्थापितले जनाए ।

ग्यालेक्सी 'ए' सिरिजका फोनहरूमा अघिल्लो वर्ष चर्चित गुगलको ‘सर्कल टू सर्च’ विशेषता अब थप उन्नत भई फोन स्क्रिनबाट सजिलै खोज्न मिल्नेछ । यस फिचरले स्क्रिनमा देखिएको नम्बर, इमेल ठेगाना वा यूआरएल सजिलै पहिचान गर्न सक्ने कम्पनीले जनाएको छ । ‘सर्कल टू सर्च’ले गीतहरू पनि तत्काल पहिचान गर्न सक्ने कम्पनीले जनाएको छ ।

ग्यालेक्सी 'ए' सिरिजका सबै डिभाइसहरूमा ५० एमपी मुख्य क्यामेरा तथा ‘अब्जेक्ट इरेजर’ सुविधा उपलब्ध छ । यसले प्रयोगकर्तालाई फोटोबाट अनावश्यक वस्तुहरू हटाउन मद्दत गर्ने कम्पनीले जनाएको छ ।

ग्यालेक्सी ए५६, ए३६ र ए२६ मार्च २८ देखि नेपालका सबै सामसुङ आधिकारिक स्टोरहरूमा उपलब्ध छन् । साथै, सामसुङ इन्स्टा फाइनान्स सेवाको माध्यमबाट ग्राहकहरूले ईएमआई विकल्पमा पनि फोन किन्न सक्नेछन्। शून्य प्रतिशत ब्याजदरमा ईएमआई २३०० प्रतिमहिनाबाट सुरु हुने कम्पनीले जनाएको छ ।

पुराना फोन एक्सचेन्ज गर्न चाहने ग्राहकहरूले ‘सबकोफोन’ वा ‘अर्कोस्टोर’मार्फत साट्न पनि सक्ने कम्पनीले जनाएको छ ।

हेर्नुहोस् मूल्यसूची