धनगढी ।  धनगढीमा जारी आठौं अन्तराष्ट्रिय कराँते प्रतियोगितामा नेपाल १४ स्वर्ण पदकसहित शीर्ष स्थानमा रहेका छन् । कुल  ४२ स्वर्ण पदकका लागि धनगढीमा भईरहेको प्रतिस्पर्धामा २३ स्वर्णको छिनोफानो हुँदा नेपालले १४ स्वर्ण पदक जित्दै शीर्ष स्थानमा रहेको हो ।

प्रतियोगितामा भारत ४ स्वर्ण पदक सहित दोस्रो स्थानमा रहेको छ भने भुटान ३ स्वर्ण सहित तेस्रो स्थानमा रहेको छ । पाकिस्तान र वङगलादेशले एक एक स्वर्ण पदक जित्दा पाकिस्तान भने स्वर्ण पदक विहीन भएको छ ।

सुदुर पश्चिमाञ्चल गोजुरियो कराते डोसंघको आयोजनामा भईरहेको प्रतियोगितामा घरेलु टोलीकी बर्षा साउदले ४५ किलो तौल समुहमा स्वर्ण पदक जितेकी छन् । सो प्रतिस्पर्धामा भारतकी मिना कुमावतले रजत तथा एपीएफकी दिपा लामा र श्रीलंकाका डब्लु आर डी मधुसानीले काश्य पदक जितिन् ।

प्रतियोगितामा ६ देखि ८ वर्ष उमेर समुहको स्याडेट प्रतिस्पर्धामा धनगढीकै प्रदिप बैजली मगर पहिलो तथा खडक थामी मगर दोश्रो भए । श्रीलंकाका जिडिडिएम सुनारत्ने तेश्रो भए । ५५ किलो तौल समुहमा एपीएफका सुजन श्रेष्ठ पहिलो तथा चक्रमान प्रधान दोश्रो भए । धनगढीका पुष्प न्यौपाने र भारतका सोनु कुँवरले काश्य पदक जिते ।

६८ किलो तौल समुहमा पनि एपीएफकी सरिता श्रेष्ठ पहिलो भइन् । ६८ किलो भन्दा माथिको तौल समुहमा एपीएफकी लक्ष्मी भट्ट पहिलो तथा सरिता लामा दोश्रो भईन् ।

भारतकी सिमा रहांगडालेले काश्य पदक जितिन् । ५५ किलो तौल समुहमा एपीएफकी मनिषा चौधरीले स्वर्ण, भारतकी कमल प्रीत कौरले रजत तथा भारतकै आरस प्रीत कौरले काश्य पदक जितिन् ।

प्रतियोगिता अन्तर्गत कुमुते तर्फ प्रथम हुनेले ५१ हजार नगद पाउने छन् । यस्तै दोस्रो हुनेले ३१ हजार र तेस्रो हुनले २१  हजार पाउने आयोजकले जनाएको छ ।