काठमाडौं । सिप्रदी ट्रेडिङ प्रालिले टाटा एस इभीको एकसयभन्दा बढी युनिट बिक्री तथा १० लाख बढी किलोमिटर उत्सव मनाएको छ ।

नेपालका साना तथा मध्यम उद्यम (एमएसएमई) र कर्पोरेट व्यवसायहरूका लागि टाटा एस इभीले नयाँ सम्भावनाहरू प्रस्तुत गरेको छ । हालसम्म १०० प्रतिशत ब्याट्री हेल्थ, न्यूनतम डाउन टाइम र दोहोरिएर गाडी खरिद गर्ने ग्राहकहरूको वृद्धिले टाटा एस इभीलाई काठमाडौं, पोखरा, बुटवल, चितवन, र इटहरीका व्यवसायीहरूको लागि भरपर्दो विकल्प बनेको छ । टाटा मोटर्सको उत्कृष्ट इन्जिनियरिङ र सिप्रदी ट्रेडिङको सेवा प्रणालीले नेपालमा  विद्युतीय यातायात क्रान्ति ल्याउन महत्त्वपूर्ण भूमिका खेलेको जनाएको छ ।

कार्यक्रममा टाटा मोटर्सका सीबीआईबी प्रमुख असिफ शमीम तथा सिप्रदी ट्रेडिङका प्रमुख कार्यकारी अधिकृत (सीईओ) राजनबाबु श्रेष्ठ प्रमुख अतिथिका रूपमा उपस्थित थियो । उनीहरूले टाटा एस इभीको सफलतासँगै विद्युतीय व्यावसायिक सवारी साधनहरूप्रतिको विश्वासबारे आफ्ना विचार व्यक्त गरे ।