काठमाडौं । प्रधानमन्त्री केपी शर्मा ओलीले अध्यादेश संसद्‌मा निर्णयार्थ पेस गर्न केही समय लाग्ने संकेत गरेका छन् । आइतबारको प्रतिनिधिसभा बैठकअघि संसद् भवन परिसरमा सञ्चारकर्मीको जिज्ञासामा उनले भने, “अहिले मत भन्ने बेला भएको छैन ।”

सरकारले ल्याएको अध्यादेश यही माघ १८ गते संसद्‌मा पेस गरिएको थियो । माघ २४ गतेको बैठकमा नै निर्णयार्थ पेस गर्न भनिए पनि बहुमत नपुग्दा सरकार पछि हटेको थियो ।

आजको बैठकको कार्यसूचीमा पनि अध्यादेश राखिएको छैन । राष्ट्रियसभामा अध्यादेश स्वीकृतका निम्ति सत्तापक्षलाई उपेन्द्र यादव नेतृत्वको जसपा, नेपाल निर्णायक देखिन्छ । तर, जसपाले अध्यादेशबारे कुनै निर्णय गरिसेकेको छैन ।