site stats
बाह्रखरी :: Baahrakhari
कला
Global Ime bankGlobal Ime bank
‘पारि त्यो डाँडामा’को दोस्रो भाग आउँदै, सिनेमाको हाइप उकास्ने विश्वास 

काठमाडौं । ‘पारि त्यो डाँडामा...’ गीतको दोस्रो भाग आउने भएको छ । २०७१ सालमा रिलिज भएको यो गीतको दोस्रो भाग आउन लागेको हो । 

‘पारि त्यो डाँडामा...’ चलचित्र ‘रेशम फिलिलि’को गीत थियो । यसको दोस्रो भाग ‘फेरि रेशम फिलिलि’मा राखिने भएको छ । तत्कालीन समय यो गीत ‘भाइरल’ भएको थियो । संगीतकार कालीप्रसाद बास्कोटा यही गीतमार्फत नेपाली सिनेमा उद्योगमा पहिलो रोजाइको संगीतकारमा दरिएका थिए । 

‘फेरि रेशम फिलिलि’ ‘रेशम फिलिलि’को सिक्वेलका रूपमा आउँदै छ । यो चलचित्र फागुन १४ गते रिलिज हुँदै छ । चलचित्रको हाइप बढाउन निर्माणपक्षले ‘पारि त्यो डाँडामा...’को दोस्रो भाग ल्याउन लागेको हो । 

यसै साता गीत रिलिज गर्ने तयारी निर्माणपक्षले गरेको छ । जसको तस्बिर निर्माणपक्षले सार्वजनिक गरेको छ । तस्बिरमा चलचित्रका मुख्य दुई पात्र विनय श्रेष्ठ र सुपुष्पा भट्ट छन् । तस्बिरमा उनीहरू रोमान्टिक मुडमा देखिएका छन् । 

गीतमा कालीप्रसाद बास्कोटाको संगीत रहनेछ भने शब्द मानस राजले लेखेका छन् । स्वर कालीप्रसाद र सोमिया बराईलीले दिएका छन् । गीत सार्वजनिक भएपछि ‘रेशम फिलिलि’ले जस्तै हाइप बनाउनेमा निर्माणपक्ष ढुक्क छ । 

सिनेमा आर्ट र वि मोसन पिक्चर्सको सहकार्यमा निर्माण भएको चलचित्रका लेखक तथा निर्देशक निरोज महर्जन हुन् । रौनक विक्रम कडेल निर्माता हुन् । कार्यकारी निर्माता सुरज बम ठकुरी र सह–निर्मातामा एनि थापा छन् ।

सिनेमामा विनय र सुपुष्पासँगै नीर शाह, कामेश्वर चौरासिया, प्रकाश घिमिरे, शिशिर वाङ्गदेल, रवीन्द्र झा, लक्ष्मी गिरी, महेश त्रिपाठीलगायतको अभिनय छ । 

प्रकाशित मिति: आइतबार, माघ १३, २०८१  १०:४६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro