काठमाडौं । राजधानीमा जारी नेपाल कबड्डी लिग (एनकेएल) अन्तर्गत आइतबार भएको खेलमा हिमालयन रेडर्स र विराटनगर ब्यान्डिट्सले जित निकालेका छन् ।

आइतबार त्रिपुरेश्वरस्थित राष्ट्रिय खेलकुद परिषद् (राखेप) परिसरमा रहेको कभर्ड हलमा भएको खेलमा हिमालयन रेडर्सले पोखरा लेकर्सविरुद्ध ३४–३० को जित निकालेको हो । प्रतियोगितामा हिमालयनको यो पहिलो जित समेत हो । यो खेलमा हिमालयनका कप्तान गणेशबहादुर पार्की खेलको ‘प्लेयर अफ दी म्याच’ चुनिए ।

आजै भएको पहिलो खेलमा विराटनगर ब्यान्डिट्सले काठमाडौं म्याभेरिक्सविरुद्ध ४४–४३ को साँघुरो जित निकालेको थियो । प्रतियोगितामा विराटनगरको यो दोस्रो जित हो । हारका बाबजुद काठमाडौंका कप्तान घनश्याम रोक्कामगर खेलको ‘प्लेयर अफ दी म्याच’ चुनिए ।