काठमाडौं । नेपाल कबड्डी लिग (एनकेएल)को पहिलो संस्करण आज सुरु हुँदै छ ।

नेपाली कबड्डीको इतिहासमै पहिलोपटक हुन लागेको फ्रेन्चाइज लिगको पहिलो खेलमा काठमाडौं माभेरिक्स र पोखरा लेकर्सबीच प्रतिस्पर्धा हुने तालिका छ ।

काठमाडौंको मार्की खेलाडीमा नेपाली राष्ट्रिय टिमका कप्तानसमेत रहेका घनश्याम रोक्का मगर छन् । घनश्यामले इन्डियन प्रो कबड्डी लिगमा हरियाणा स्टिलर्सको प्रतिनिधित्व गरेका थिए । 

यस्तै, पोखरा लेकर्सको कप्तानी प्रदीप मिजारले सम्हाल्ने छन् ।

प्रतियोगिताको पहिलो संस्करणमा कुल ६ टिमको सहभागिता छ । जसमा काठमाडौं, पोखरासँगै जनकपुर नाइट्स, हिमालयन रेडर्स, धनगढी वाइल्डक्याट्स र विराटनगर ब्यान्डिट्सबीच प्रतिस्पर्धा हुनेछ ।