काठमाडौं । नेकपा एमालेका महासचिव शंकर पोखरेलले नेपालमा राजनीतिक मामिलामा न्यायिक सक्रियता देखिएको टिप्पणी गरेका छन् ।  

पाकिस्तानमा सेनाका जर्नेलहरूको राजनीतिक महत्त्वाकांक्षाले त्यहाँको लोकतन्त्र कमजोर बनेको, विकास र सुशासनमा गम्भीर नकारात्मक असर परेको उदाहरण दिँदै उनले नेपालमा ‘कार्यकारीको भूमिकालाई अंकुश लगाउने अदालती फैसलाले नेपाली लोकतन्त्र सुदृढ हुन कठिन त भएको छैन ?’ भन्दै प्रश्न उठाएका हुन् । 

सामाजिक सञ्जालमार्फत उनले यसतर्फ लोकतन्त्रका पक्षधरहरूले गम्भीर विमर्श गर्नुपर्ने औँल्याएका छन् ।